اليوم العالمي للتصوير الفوتوغرافي 2024
![](https://eojm.org/wp-content/uploads/2024/08/02-780x470.jpg)
اليوم العالمي للتصوير الفوتوغرافي 2024
صباح الخير النهاردة 19 أغسطس بيوافق اليوم العالمي للتصوير الفوتوغرافي، ودي مناسبة بتحتفل بيها منظمات ومؤسسات عالمية كتيرة، ﻷنه اليوم اللى سجل فيه الفنان والكيميائي الفرنسي “لويس داجير” براءة اختراع أول نوع للتصوير الفوتوغرافي على الإطلاق.
بالمناسبة دي، قررت مؤسسة المرصد المصري للصحافة والإعلام الاحتفاء عن طريق فتح ملفين مهمين جدًا وهما أزمات التصوير في الشارع، واشكالية تصوير الجنازات، الملف الأول قررنا إطلاق برنامجنا برا الكادر وإللي هتكون أول حلقة فيه بعنوان التصوير في الشارع واتكلم في الموضوع عدد من المصورين/ات وحكوا لينا تجاربهم/ن والصعوبات إللي بيواجهوها، علشان كده تابعونا على مدار اليوم.
الملف التاني والخاص بتصوير الجنازات وإللي طول الوقت بيثار حوله الإشكاليات والأزمات، قررنا في اليوم العالمي للتصوير نقدملكم/ن دليل كامل لتصوير الجنازات وإللي بنتطلع أنه يفيد كل الزملاء/ات في تغطيتهم وشغلهم ويقدم رؤية جديدة ومهنية وعملية.
تابعونا على مدار اليوم، وكل سنة وكل مصور/ة طيب/ة ومثابر ومبدع/ة.