ياسمين عبد الحميد: كصحفية رياضة واجهت الإساءات الرقمية والتمييز المتكرر

هذه شهادة الصحفية ياسمين عبد الحميد، التي قررت أن تروي للمرصد المصري للصحافة والإعلام، ما حدث معها كي ﻻ يظل العنف الرقمي في الظل:

أنا صحفية رياضة، من سنتين اتعرضت لموقف مش هنساه، كتبت كومنت على بوست لأحد الأصدقاء كان ناشر خبر يتعلق بالكورة، وفوجئت بشخص داخل يشتمني وكتبلي ألفاظ مسيئة جدًا، وقتها أنا عملتله بلوك من صدمتي من اللي اتكتب.

ده اللي طول الوقت بنتعرض له كصحفيات شغالين في ملف الرياضة، يعني طول الوقت بنستقبل تعليقات زي:”يلا ع المطبخ”، أو “محدش خد رأيك”، علشان محدش بيتقبل إن بنت تقول رأيها سواء صح أو غلط، غير إن مجتمع كرة القدم جزء كبير منه بيتكلم بشكل مسيء وبألفاظ خارجة.