براءة تامر أمين من تهمة إهانة أهل الصعيد

برأت محكمة جنح مدينة نصر المصرية، اليوم الاثنين 26 أبريل 2021، الإعلامي تامر أمين من تهمة سب وقذف أهالي الصعيد وإهانتهم؛ في الجنحة المباشرة المرفوعة ضده، وتتهمه بالتجاوز في حق الشعب بإحدى حلقات برنامجه “آخر النهار”، حسبما نشرت “مصراوي”.

وكان الإعلامي تامر أمين، اعتذر عن إهانته لأهالي الصعيد في برنامجه، وقال في فيديو: “أقدم اعتذار واضح وصريح لا لبس فيه لكل أهالينا في الصعيد وفى كل مكان بمصر، اللي زعلانين منى، أنا لا هكابر ولا هآوح، أنا من الناس اللي بتعتذر لما تحس إن الناس زعلانة منها، حتى لو كانت نيتي يعلم بيها ربنا نيتي خير وكان الهدف هو المصلحة العامة”.

وتداول أمين في برنامجه، موضوع أزمة الزيادة السكانية في إحدى حلقات برنامجه على قناة النهار، وقال:”في الريف وفي الصعيد فيه نسبة كبيرة جدا بيخلفوا أولاد وبنات مش عشان يصرفوا عليهم ولا عشان يدخلوهم التعليم ويتعلموا ويكبروا ويتوظفوا أو يبقى عندهم فرص عمل.لا. ده بيخلفوهم عشان العيال دي هي اللي تصرف على الأب والأم”.

وكان المجلس الأعلى للإعلام، قد حقق مع أمين وقرر، تغريم قناة النهار 250 ألف جنيه وإنذارها بسحب الترخيص حال تكرار المخالفة، ومنعه من الظهور في وسائل الإعلام لمدة شهرين، وأحل البلاغات المقدمة إلى لمجلس للنائب العام.