الرسالة الأولى لمحمود نصر مصور المصرى اليوم من محبسه بقسم العطارين

الرسالة الأولى لمحمود نصر مصور المصرى اليوم من محبسه بقسم العطارين
نقلاُ عن صفحة “الحرية لمحمود نصر”

” السلام عليكم
ف البداية احب اشكر الناس اللى تعبت نفسها ونظموا المؤتمر وكمان زملائى الصحفيين الموجودين وزملائى ف المصرى اليوم اللى متابعنى ووافقين معايا من بداية الازمة.وامى العزيزة اللى رغم الازمة واقفة صلبة وقوية وربنا يخليكى ليا ويخليكوا انتو كمان
فكرت كتير اكتب عن اية ف الاخر قررت انى هكتب حاجات شفتها خلال ايام الحبس بتاعى
راجل صعيدى كان معانا ف حجز قسم اول الاسماعيلية ف اول يوم لية جالة هبوط ف الدورة الدموية طبعا حاولنا نستنجد بالامناء لكن، لاحياة لمن تنادى بعد نصف ساعة وصلوا وعلى وجوهم امتعاض شديد والراجل مرمى على الارض واول رد ليهم مين اللى بيخبط دة وثم خروج الحالة ف الهواء لم تتحسن وكما طالبنا منهم انهم يستدعوا الاسعاف رفضوا بحجة ان الاسعاف مش بتيجى بعد الساعة 2 بعد منتصف اليل
عم سيد اسمعلاوى جدع مصاب بالربو وقرحة ف المعدة محتجز ف حجز قسم اول الاسماعيلية اللى فية تكدس وديما بتجيلة الاسعاف لان بيجيلة ضيق ف التنفس
عم سيد طلب شوية ادوية لكن الظابط النباطشى رفض، عم سيد طلب من واحد ينادى عليهم علشان يدخلوا الدوا واللى حصل انهم اخدوا عم سيد واعتدوا علية بالضرب المبرح ودخلوا الحجز وكان اى حد نايم كام بيدسوا على راسة بالجزمة لحد ما يصحى وانتهى الامر انهم بعد علقة لعم سيد كلبشوة ف باب الحجز وسابوة يعانى
بعد 15 يوم من الاحتجاز على ذمة الترحيل ف قسم اول الاسماعيلية تم ابلاغي انى هترحل وتم نقلى لحجز مديرية أمن الإسكندرية ثم حجز قسم العطارين
بعد 15 يوم اترحلت على اسكندرية وكنت امل ان الوضع يتحسن من حيث ظروف الحجز لكنى اتصدمت شوية من حجز قسم العطارين
المكان يكفى ل30 فرد رغم ذلك فان الموجودين 77 واحد بحيث انك مجرد تفرد رجلك ودة امر مش سهل مفيش مروحة للمحجوزين .الجو حر جدا ودة من التكدس الكبير .لو ف عدوى او فيرس انتشر هيتسبب ف كارثة .يرجع الامر لان السجون مش بتنقل حد لتكدس المساجين في السجون
اخيرا الحرية لكل صاحب قلم حر وعدسة قررت تصور وتكشف الحقيقة
الحرية لشوكان …الحرية للجدعان
محمود نصر من حجز جنائى قسم العطارين جنب البنزين “